Аграрлық бөлімше

Қожа Ахмет Ясауи атындағы Халықаралық қазақ-түрік университетінің “Түркістан Ахмет Ясауи” кәсіби колледжінің “Аграрлық” бөлімшесі колледж директорының №3/03 бұйрығымен 2010 жылы құрылған. Бөлімше меңгерушісі Қ.Әділбекова. Бөлімше «Тамақтандыру кәсіпорындарының өнім өндіру технологиясы және оны ұйымдастыру» және «Ветеринария» мамандықтары бойынша түлектер дайындайды. Қазіргі уақытта 307 студент білім алуда, сәйкесінше 277 студент мемлекеттік гранты негізінде оқиды. Бөлімшеде 30 оқытушы қызмет атқарады, олардың құрамында жоғарғы, I және II біліктілік санатты арнайы пән оқытушылары мен магистр оқытушылар бар. Бөлімшеде «Тамақтандыру кәсіпорындарының өнім өндіру технологиясы және оны ұйымдастыру» мамандығы бойынша толықтай заманауи жабдықталған 3 арнайы зертханалық кабинеттер, ал «Ветеринария» мамандығы бойынша арнайы жабдықталған 2 кабинет пен «Химия, биология және микробиология» зертханасы, сонымен қатар студенттердің іс-тәжірибе жұмыстары үшін арнайы виварий жұмыс атқарады. Бөлімшеде тәрбие жұмыстары оқу жылы басында тағайындалып бекітілген жоспар бойынша жүргізіледі. Студент жастармен тәрбие жұмыстарын жүргізудегі басты мақсат оларды Отансүйгіштікке және салауатты өмір салтын қалыптастыруға, болашақта адал қызмет атқаруға баулу. Сонымен қатар тәрбие жұмыстарында ынтымақты студенттік ұжымды құрауға, білім алушылардың оқу мен тәртіпке деген жауапкершілік сезімдерін оятуға үлкен көңіл бөлінеді.

• Бөлімшенің негізгі мақсаты мен міндеті:
• Мемлекеттік білім стандарты негізінде оқу бағдарламасын толығымен жүзеге асыру;
• Оқу-тәрбие тұтастығын қамтамасыз ете отырып оқыту мен тәрбиелеу үрдістерін интеграциялау;
• Тұлғаның физиологиялық рухани және шығармышылық мүмкіндіктерін жетілдіру, салауатты өмір салтына баулу, интеллектуалдылығын байыту, азаматтың өз тұлғасын қалыптастыруға қолайлы жағдай туғызу;
• Оқу орнындағы шығармашылық және қоғамдық бірлестіктер қызметін жандандырып, білімгерлерді оқу орнының әкімшілік қызметіне араластыру, өзіндік пікір білдіруге баулу, болашақ маманның Республиканың қоғамдық саяси өміріне белсенді араласуына жол ашу, қоғамдық белсенділігін қалыптастыру;
• Азаматтық зайырлы сана қалыптастыру, өмір жолын анықтауда тұрақтану конституциялық демократияны қорғау және нығайту үшін түбегейлі құндылықтар мен қоғамдық қағидаларды қастерлей білуге үйрету;
• Оқушының жеке тұлғасын, өз білімін жетілдіруге ұмтылысын, қалыптастыру;
• Еңбек нарығына қажетті, бәсекеге қабілетті маман дайындау;
• Оқу процессінде жаңа әдістер формаларын ұйымдастыру, жетілдіру және енгізу;

Бөлімше құрылымы:

Бөлімшеде 2 пәндік (циклдік) комиссиясы жұмыс жасайды

Бөлімшеде 2 мамандық бойынша білім алады

• Материалдық техникалық базасы
• Кабинет және зертханалары жаңа техникалық құрал-жабдықтармен жабдықталған;
• Web-сайт және Интернетке шығу мүмкіндігі бар компьютерлік кабинеттер;
• Нормативтік актілер, оқулықтар және электронды оқулықтармен толық қамтылған;
• Мультимедиялық тақта - 1, интерактивті тақта-7, проектор-7, ноутбук-3, моноблок-36 толық компьютер құрал жабдықтарымен қамтылған;

«Аграрлық» бөлімшесіне қарасты кабинеттер және зертханалар:

Кабинет номері	Кабинет атауы	Жауапты тұлға
203	Қазақ тілі мен әдебиеті	Д.Қалдарбек
202	Фармакология. Ішкі жұқпайтын аурулар	Б.Батырбекова
205	Шет тілі	С.Оңғарова
204	Тағам дайындау технологиясы	Ж.Сулейменова
206	Биология. Анатомия	Н.Сайдалиева
208	Жануарлар анатомиясы және физиологиясы	С.Арихова
302	Тамақтандыру кәсіпорындарында қызмет көрсетуді ұйымдастыру	Е.Мейрамбеков
309	Химия. Микробиология және вирусология	Г.Серік
310	Малдәрігерлік-санитарлық сараптау. Патологиялық физиология және патологиялық анатомия	А.Ержанова
308	Аграрлық бөлімше	С.Қадірова
Асхана	Тағам дайындау технологиясы және қоғамдық тамақтандыру құрал жабдықтары зертханасы	Д.Қояпов

Бөлімшеде оқу-әдістемелік, ғылыми және тәрбиелік жұмыстар бойынша атқарылатын жұмыстар:

• Жаңа үлгілік оқу жоспарлары мен оқу бағдарламаларын оқу үрдісіне енгізу;
• Жаңа педагогикалық технологияларды, кадрлардың біліктілігін көтеру және қайта даярлау мақсатында жоғары оқу орындарымен байланысты нығайту;
• Жеке тұлғаның саяси мәдениетін, әлеуметтік жағынан азаматтығын, өзін өзі танытуын қалыптастыруға тәрбиелеуді жүзеге асыру;
• Бөлімше базасындағы сыныптан тыс, үйірме, студенттермен ғылыми – зерттеу жұмыстарын жандандыру.

Бөлімше қызметкерлері

«Аграрлық» бөлімшесінде жалпы барлығы 30 оқытушы қызметкер жұмыс істейді.

• Жоғарғы санатты оқытушы - 5
• Магистр оқытушы - 5
• І санатты оқытушы - 3
• ІІ санатты оқытушы - 4
• Оқытушы - 12
• Лаборант - 1