Сабақтан тыс іс-шара өтті

24.12.2022

"Әлеуметтік және педагогикалық" пәндік (циклдік) комиссия бірлестігі, "Дене тәрбиесі және спорт" мамандығының оқытушысы С.Каумбаев колледж кітапханасында "Оқуға құштар колледж" тұжырымдамасын іске асыру мақсатында "Адамдар оқуды тастаған кезде ойлаудан қалады" тақырыбында ДТС-0922-1 тобына сабақтан тыс іс-шара өтті.
Іс-шараның мақсаты - оқушыларға білімнің кітап арқылы берілетінін ұғындыру, зейінін шоғырландыру, шығармашылық қабілеттерін, ой-өрісін дамыту, ой қозғау, оқулықты құрметтей білуге, таза ұстауға, ұқыптылыққа, адамгершілікке тәрбиелеу.
Іс-шараны өту барысында Алаш қайраткерлерінің бар арманы - ұлттық кітапхананы ашу арқылы көркем әдебиет - жастардың сана сезімін тәрбиелеуге бағыттайтынын айтып, Ж.Молдағалиевтің "Мен қазақпын" поэмасы, қазақ әдеби тілінің негізін салушы - А.Құнанбаев, қазақ халқының ағартушылық тарихында және ұлттық мектебінің қалыптасуында терең із қалдырған тұлға - Ы.Алтынсариннің шығармаларына тоқталды.
Әлемдік ұтқыр құндылықтар мен асылдарды дер кезінде игере отырып, ұлттық болмысымыздың ұтқырлығын жаңаша оздыра түсу үшін оқу қажет. Ендеше кітапты түпнұсқадан оқуды ешбір техника да, технология да алмастыра алмайды.

Ағылшын тілінен ашық сабақ өтілді

22.12.2022

2022 жылы 22 желтоқсан күні «Филологиялық» пәндік (циклдік) комиссия бірлестігінің ағылшын тілі пәнінің оқытушысы А.Әсілханқызы ЭЕА-0922 тобының студенттеріне “Types of Literature” тақырыбында ашық сабақ өтті.
Ашық сабақтың мақсаты: Студенттерге әдебиет ұғымын кеңінен түсіндіріп,оның түрлерімен таныстырып,кітаптардың қандай жанрлары барын үйрету.
Сабақ барысында әдебиет ұғымы және оның түрлері жайында толық мәлімет берілді,сонымен қатар сұрақ қойылу ережесімен және оның түрлерімен таныстырып, "Қарсыласқа шабуыл", "Суреттер сөйлейді" әдістері "WorldWall" “Learning.apps” білім платформалары арқылы орындалып, жаңартылған білім беру оқу бағдарламасы бойынша бағалау критерийлері арқылы жауап алынды.

“Many, little, few” тақырыбында ашық сабақ өтті

21.12.2022

“Филологиялық”пәндік (циклдік) комиссия бірлестігінің ұйымдастыруымен “А.Байтұрсынұлы-Алаштың рухани көсемі”атты А.Байтұрсыновтың 150 жылдығына орай өткізілетін айлық іс-шара аясында ағылшын тілі пәнінің оқытушысы Ә.Ысқақ ЕТБ-0922-1 тобының студенттеріне “Many, little, few” тақырыбында ашық сабақ өтті. Студенттерге жаңа сабақтың тақырыбын “Rebus”, ”Answer the questions”, “Translator” әдіс -тәсілдері арқылы өздері табуға мүмкіндік берілді. Ашық сабақ барысында ағылшын тіліндегі мөлшер сөздер туралы ақпарат берілді. ”Fill in”, ”Question box”, ”Make a step” әдіс-тәсілдері және “Word Wall” платформасында “Matching” тапсырмасы орындалды.